Development Centrer for Research and Training : : يه‌كه‌ی کۆلێجی ياساو ڕامیاری به‌ هاوكاری سه‌نته‌ری گه‌شه‌پیدان وتوێژینه‌وه‌و راهینان سیمپۆزیۆمیك ڕێکدەخات
Search

يه‌كه‌ی کۆلێجی ياساو ڕامیاری به‌ هاوكاری سه‌نته‌ری گه‌شه‌پیدان وتوێژینه‌وه‌و راهینان سیمپۆزیۆمیك ڕێکدەخات


2018-02-07 (Wednesday) [ Development Center ]

ڕۆژی چوارشەممە کاتژمێر يه‌كی پاش نیوه‌رۆى 7-2-2018 يه‌كه‌ی کۆلیجى یاساو ڕامیارى به‌ هاوكاری سه‌نته‌ری گه‌شه‌پێدان بۆ توێژینه‌وه‌و ڕاهینان - زانکۆى گەشەپێدانى مرۆیى وبە سه‌رپه‌رشتی لیژنه‌ی دڵنیایی كۆلیج و به‌ ئامادەبوونى به‌شێك له‌ مامۆستایانى زانكۆو خوێندكارانی به‌شی یاسا لە هۆڵی هونه‌ر سورچی / کەمپى بنارى کۆیژە سیمپۆزیۆمیك پێشکەشکرا بە ناونیشانى (مافی كه‌مینه‌كان له‌ نێوان واقیع و یاسادا) له‌ لایه‌ن هه‌ردوو به‌رێز د.دانا حمه‌باقی و مامۆستا كاروان اورحمان اسماعیل، به‌ ئیداره‌ی به‌رێز مامؤستا طارق كاكه‌رش به‌م شێوه‌یه‌:- 
د.دانا حمه‌ باقی: مافی كه‌مینه‌كان له‌ واقیعی هه‌رێمی كوردستاندا
سەرەتا باسی لە کورتەیەک کرد لەو دەقە دەستوری و یاساییانەی لە ھەریمی کوردستاندا زامنی مافی کەمینەکان دەکات لە بوارە جیاوازەکاندا ، دواتر تیشکی خستە سەر چەند پێشێلکاریەک کە بەرامبەر بەو کەمینانە ئەنجام دراون یان وەک بێشێلکاری ئەژماردەکرین بە پێی دەقە یاساییە کارپیکراوەکان بەتایبەت لە بوارەکانی مافی کەمینەکان وەک دانیشتوانی رەسەن لەسەر زەوی و زارەکانیان ھەروەھا لە بواری روشنبیری و پەروەردەو فیرکردن و بواری بەشداری سیاسی
ھەروەھا لەو بوارانەی کە دەجنە جوارچیوەی مافی ھاوبەشیکردنی راستەقینە و ھاوولآتی بوون و ژیانی کشتی . وە مەترسی ئەو جورە پێشیلکاریانە لەسەر ناو وناوبانکی ھەریم لە سەر ئاستی ناوخو و دەرەوە .
م.كاروان اورحمان: مافی کەمینەکان لە بەڵگە نامە نێودەوڵەتییەکاندا
لەم ساڵانەی دواییدا  گرنگی بەمافی کەمینەکان دراوە ئەویش بە هۆی ئەو بەریەککەوتن و پێشێل کردنانەی کە روبەڕوی مافی کەمینەکان بۆتەوە لە چەندین وڵاتانی جیهاندا وەک عێراق و ئێران و تورکیا و سوریا و سودان و رواندا و یوگۆسلافیای پێشوو.
 بۆیە پێناسەی جۆراو جۆر بۆ کەمینە کراوە ئەتوانرێت بوترێت کە بەپێی تێڕوانین و بەرژەوەندی سیاسی ئەودەسەڵاتەی کە پێی هەڵدەستێت. هەندێک جار لەسەر بنەمای ژمارە ورێژە پێناسە کراوە وە هەندێک جار لەسەر بنەمای ئاین و نەتەوە و رەگەز و زمان و رەنگ ...
وە چەندین ناوی جۆراو جۆری بۆ دانراوە وەک کەمینە ، رەوەند، دەستە، کۆمەڵ...
وەبە چەندین جۆر پۆلێنکراون وەک کەمینەی نەتەوەیی، کەمینەی ئاینی، کەمینەی سیاسی، کەمینەی هەرێمی، کەمینەی سیاسی، کەمینەی مەزهەبی، کەمینەی کۆمەڵایەتی...
ئەتوانرێت مافی کەمینەکان لەچەند رەگەزێکدا کورت بکرێتەوە، کە مافی پاراستن و مانەوەیانە، وە جیاوازی نەکردنیانە لە لە روی مامەڵەکردنەوە لەگەڵ ئەندامانی تری کۆمەڵگا، وە پاراستنی ناسنامەو بەشداریکردنیان لە کۆمەڵگادا.
چەندین بەڵگەنامەی نێودەوڵەتی بەراستەوخۆ یان ناراستەوخۆ لە چوارچێوەی یەکسانی و جیاوازی نەکردنی تاکەکانی کۆمەڵگادا ئاماژەیان بە مافی کەمینەکان داوە.
وەهەروەها دەستوری عێراق لەچەندین مادەدا ئاماژەی بە پێکهاتەکانی ناو کۆمەڵگای عێراقی داوە و باسی یەکسانی و مافی تاکەکانی کردووە بەبێ جیاوازی کە ئاماژەیە بۆ پاراستنی مافی کەمینەکان لە روی زمان و ئاین و ئاینزاو نەتەوە...

University of Human Development : يه‌كه‌ی کۆلێجی ياساو ڕامیاری به‌ هاوكاری سه‌نته‌ری گه‌شه‌پیدان وتوێژینه‌وه‌و راهینان سیمپۆزیۆمیك  ڕێکدەخات University of Human Development : يه‌كه‌ی کۆلێجی ياساو ڕامیاری به‌ هاوكاری سه‌نته‌ری گه‌شه‌پیدان وتوێژینه‌وه‌و راهینان سیمپۆزیۆمیك  ڕێکدەخات University of Human Development : يه‌كه‌ی کۆلێجی ياساو ڕامیاری به‌ هاوكاری سه‌نته‌ری گه‌شه‌پیدان وتوێژینه‌وه‌و راهینان سیمپۆزیۆمیك  ڕێکدەخات University of Human Development : يه‌كه‌ی کۆلێجی ياساو ڕامیاری به‌ هاوكاری سه‌نته‌ری گه‌شه‌پیدان وتوێژینه‌وه‌و راهینان سیمپۆزیۆمیك  ڕێکدەخات University of Human Development : يه‌كه‌ی کۆلێجی ياساو ڕامیاری به‌ هاوكاری سه‌نته‌ری گه‌شه‌پیدان وتوێژینه‌وه‌و راهینان سیمپۆزیۆمیك  ڕێکدەخات