Development Centrer for Research and Training : : زانکۆی گەشەپێدانی مرۆیی خولی ( هەڵسەنگاندنی جێبەجێکردنی ئەرک و فەرمان ) بۆ ئەفسەران دەکاتەوە
Search

زانکۆی گەشەپێدانی مرۆیی خولی ( هەڵسەنگاندنی جێبەجێکردنی ئەرک و فەرمان ) بۆ ئەفسەران دەکاتەوە


2018-11-25 (Sunday) [ Development Center ]

 

لە چوارچێوەی نامەی لێکتێگەیشتنی نێوان زانکۆی گەشەپێدانی مرۆیی و وەزارەتی ناوخۆی حکومەتی هەرێمی کوردستان، سەنتەری گەشەپێدان بۆ توێژینەوە و راهێنان بە هەماهەنگی لەگەڵ بەرێوەبەرایەتی ئاراستەکردن و رابەریکردنی مەعنەوی - بەشی سلێمانی لە درێژەی چالاکییەکانی دا هەستا بە کردنەوەی خولی (هەڵسەنگاندنی جێبەجێکردنی ئەرک و فەرمان) بۆ (٢٠) ئەفسەر لە ئەفسەرانی بەشی کارگێری و دڵنیایی جۆری بەرێوەبەرایەتییەکانی سەر بە وەزارەتی ناوخۆ لە سنوری پارێزگای سلێمانی .
ئەمرۆش ٢٠١٨/١١/٢٢ کەکۆتا رۆژی خوله‌كه‌ بوو، بەرێز پرۆفیسۆر د.مەریوان ئەحمەد رەشید، سەرۆکی زانکۆی گەشەپێدانی مرۆیی پێشوازی لە بەرێز لیوا هه‌ڵۆ سه‌عید محمد ئه‌مین، بەرێوەبەری گشتی وەزارەتی ناوخۆ و بەرێز عمید ئاری معروف، بەرێوبەری بەشی ئاراستەکردن و رابەریکردنی مەعنەوی سلێمانی و موقه‌ده‌م سالار سه‌ردار ره‌شید، نوێنه‌ری به‌رێوه‌به‌ری پاسپۆرتی سلێمانی کرد، بە ئامادەبوونی بەرێز پرۆفیسۆر د. انور محمد فرج، یاریدەدەری سەرۆکی زانکۆ بۆ کاروباری زانستی و خوێندنی باڵا و بەرێز هەردی توفیق مصطفی، بەرێوبەری کارگێری سەنتەری گەشەپێدان بۆ توێژینەوە و راهێنان.
پاش بەخێرهێنانی میوانەکان لە لایەن بەرێز پرۆفیسۆر د.مەریوان ئەحمەد رەشید، سەرۆکی زانکۆی گەشەپێدانی مرۆییەوە، لە وتەیەکدا بەرێزیان تیشکی خستە سەر گرنگی خولەکە و بەردەوامی ئەم جۆرە چالاکییانە کە لە لایەن سەنتەری گەشەپێدانەوە لە پێناو بەرەوپێشبردن و خزمەتکردنی سەرجەم توێژەکانی کۆمەڵگا ساز ده‌كرێن.
پاشان بەرێز لیوا هه‌ڵۆ سه‌عید محمد ئه‌مین، سوپاسی سەرۆکایەتی زانکۆی کرد لە بەرامبەر ئەنجامدانی ئەم جۆرە چالاکییانە لە پێناو زیاتر وشیارکردنەوەی ئەفسەران و کارمەندانی وەزارەتی ناوخۆ و هیوای بەردەوامی بۆ خواستن.
دواتر بروانامەی بەشداریکردن لە رێورەسمێکدا بەخشرایە سەرجەم ئەفسەرانی بەشداربووی خولەکە، کە ماوەی یەک هەفتەی خایاند.

University of Human Development : زانکۆی گەشەپێدانی مرۆیی خولی ( هەڵسەنگاندنی جێبەجێکردنی ئەرک و فەرمان ) بۆ ئەفسەران دەکاتەوە

University of Human Development : زانکۆی گەشەپێدانی مرۆیی خولی ( هەڵسەنگاندنی جێبەجێکردنی ئەرک و فەرمان ) بۆ ئەفسەران دەکاتەوە

University of Human Development : زانکۆی گەشەپێدانی مرۆیی خولی ( هەڵسەنگاندنی جێبەجێکردنی ئەرک و فەرمان ) بۆ ئەفسەران دەکاتەوە